heatwave alert in india : ଭାରତରେ ଗ୍ରୀଷ୍ମ ଋତୁ ତିବ୍ର ରୂପ ଧାରଣ କରିଥିବା ବେଳେ ଗ୍ରୀଷ୍ମ ପ୍ରବାହ ର ପ୍ରକୋପ ଦିନକୁ ଦିନ ଗୁରୁତର ହେଉଛି। ସୋମବାର ୧ଟା ୩୦ମିନିଟ୍ ସମୟରେ ମିଳିଥିବା ତଥ୍ୟ ଅନୁସାରେ ଉତ୍ତର ପ୍ରଦେଶର ବିନ୍ଦକି ସହର ଦେଶର ସବୁଠାରୁ ଗରମ ସହର ଭାବେ ଚିହ୍ନଟ ହୋଇଛି। ସେଠାରେ ତାପମାତ୍ରା ୪୬ ଡିଗ୍ରୀ ସେଲସିଅସ୍ ପହଞ୍ଚିଥିବା ବେଳେ ଏହାକୁ ‘ଏକ୍ସଟ୍ରିମ୍ ହଟ୍’ ଶ୍ରେଣୀ ଅନ୍ତର୍ଭୁକ୍ତ କରାଯାଇଛି।
ଏହା କେବଳ ଗୋଟିଏ ସହରର ଅବସ୍ଥା ନୁହେଁ। ଦେଶର ବିଭିନ୍ନ ରାଜ୍ୟରେ ଏହି ତିବ୍ର ଗରମ ତାପମାତ୍ରା ର ପ୍ରବାହ ଲୋକ ମାନଙ୍କ ଜୀବନକୁ ଅସୁବିଧାରେ ପକାଇଦେଇଛି। ଦିନ ହେଉ କି ରାତି ତାପମାତ୍ରା ରେ କୌଣସି ବଡ଼ ହ୍ରାସ ନ ହେବାରୁ ଲୋକମାନେ ସାଙ୍ଘାତିକ ଅସୁବିଧା ର ସମ୍ମୁଖୀନ ହେଉଛନ୍ତି।
ଗ୍ରାମୀଣ ଅଞ୍ଚଳରୁ ଆରମ୍ଭ କରି ସହର ଅଞ୍ଚଳ ପର୍ଯ୍ୟନ୍ତ ସବୁଠାରେ ଗ୍ରୀଷ୍ମ ର ପ୍ରଭାବ ସ୍ପଷ୍ଟ ଦେଖାଯାଉଛି। ବିଶେଷକରି ମଧ୍ୟାହ୍ନ ସମୟରେ ରାସ୍ତାଘାଟ ଖାଲି ହୋଇଯାଉଛି ଏବଂ ଲୋକମାନେ ଘରଭିତରେ ରହିବାକୁ ବାଧ୍ୟ ହେଉଛନ୍ତି।
heatwave alert in india : ଦେଶ ର ବିଭିନ୍ନ ରାଜ୍ୟ ରେ ଜାରି ରହିଛି ଗ୍ରୀଷ୍ମ ପ୍ରବାହ ର ପ୍ରଚଣ୍ଡ ତାପମାତ୍ରା
ଦେଶର ଅନେକ ସହର ଓ ଜିଲ୍ଲାରେ ତାପମାତ୍ରା ୪୫ ଡିଗ୍ରୀ ସେଲସିଅସ୍ ତାପମାତ୍ରା ରହିଛି। ମୈନପୁରୀ, ବାଲାଙ୍ଗିର, ପଶ୍ଚିମ ମେଦିନୀପୁର, କୃପାଳୁ ଧାମ ମଙ୍ଗର୍ହ, ଅମ୍ରୋହା, ଗଡଚନ୍ଦୁର, ଏଟା, ବାଲରାମପୁର ଓ ରାଉରକେଲା ଭଳି ଅଞ୍ଚଳଗୁଡ଼ିକ ରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଜାରି ରହିଛି।
ଉତ୍ତର ପ୍ରଦେଶ, ଓଡ଼ିଶା, ମହାରାଷ୍ଟ୍ର ଓ ପଶ୍ଚିମ ବଙ୍ଗରେ ଏହି ପ୍ରଚଣ୍ଡ ଗ୍ରୀଷ୍ମ ପ୍ରବାହ ବ୍ୟାପକ ଚାପ ସୃଷ୍ଟି କରିଛି। ଦିନକୁ ଦିନ ତାପମାତ୍ରା ବଢ଼ୁଥିବା ବେଳେ ଲୋକମାନଙ୍କ ଦୈନିକ ଜୀବନ ମଧ୍ୟ ପ୍ରଭାବିତ ହେଉଛି। ବିଶେଷକରି କୃଷକ, ଶ୍ରମିକ ଓ ବାହାରେ କାମ କରୁଥିବା ଲୋକମାନେ ସବୁଠାରୁ ଅଧିକ ପ୍ରଭାବିତ ହେଉଛନ୍ତି।
ପାଣିପାଗ ବିଜ୍ଞାନୀ ମାନଙ୍କ କହିବା ଅନୁସାରେ, କୌଣସି ଅଞ୍ଚଳରେ ଯେତେବେଳେ ତାପମାତ୍ରା ୪୦ ଡିଗ୍ରୀ ସେଲସିଅସ୍ ଉପରକୁ ଯାଏ ଏବଂ ଏହି ପରିସ୍ଥିତି ଲଗାତାର କିଛି ଦିନ ଧରି ରହେ। ସେତେବେଳେ ତାହାକୁ ହିଟ୍ ୱେଭ ବୋଲି କୁହାଯାଏ। ବର୍ତ୍ତମାନ ଯେଉଁ ପରିସ୍ଥିତି ଦେଖାଯାଉଛି ସେଥିରେ କେତେକ ସ୍ଥାନରେ ‘ହଟ୍’ ରୁ ‘ଏକ୍ସଟ୍ରିମ୍ ହଟ୍’ ଶ୍ରେଣୀ ରେ ଅନ୍ତର୍ଭୁକ୍ତ କରାଯାଇଛି।
ଏହି ଗ୍ରୀଷ୍ମପ୍ରବାହ ର ପ୍ରଭାବ ଲୋକ ମାନଙ୍କ ସ୍ୱାସ୍ଥ୍ୟ ଉପରେ ମଧ୍ୟ ଖରାପ ପ୍ରଭାବ ପକାଉଛି। ହିଟ୍ ଷ୍ଟ୍ରୋକ୍, ଡିହାଇଡ୍ରେସନ୍ ଓ ହଠାତ୍ ଥକିଯିବା ଭଳି ସମସ୍ୟା ବଢ଼ି ଚାଲିଛି । ହସ୍ପିଟାଲଗୁଡ଼ିକରେ ମଧ୍ୟ ଏପରି ରୋଗୀଙ୍କ ସଂଖ୍ୟା ବଢ଼ୁଥିବା ଦେଖାଯାଉଛି।
ଆଗାମୀ ଦିନରେ ଗ୍ରୀଷ୍ମ ପ୍ରବାହ ଜାରିରହିବା ସହ : ଇମଦ ର କଣ ରହିଛି ସତର୍କତା ଓ ସୁରକ୍ଷା ପରାମର୍ଶ
ଭାରତ ପାଣିପାଗ ବିଭାଗ (IMD) ଏନେଇ ସତର୍କତା ଜାରି କରିଛି। ତାଙ୍କର ଅନୁମାନ ଅନୁସାରେ, ଆଗାମୀ କିଛି ଦିନ ଧରି ଉତ୍ତର ପଶ୍ଚିମ, ମଧ୍ୟ ଏବଂ ପୂର୍ବ ଭାରତରେ ଏହି ପ୍ରଚଣ୍ଡ ଗ୍ରୀଷ୍ମପ୍ରବାହ ଜାରିରହିବା ସମ୍ଭାବନା ରହିଛି।
ବିହାର, ଝାରଖଣ୍ଡ, ଗଙ୍ଗେଟିକ୍ ପଶ୍ଚିମ ବଙ୍ଗ ଓ ଓଡ଼ିଶା ରେ ମଧ୍ୟ ପ୍ରଚଣ୍ଡ ଗ୍ରୀଷ୍ମପ୍ରବାହ ଯୋଗୁଁ ତାପମାତ୍ରା ବଢ଼ି ରହିବାର ସୂଚନା ମିଳିଛି। ଶୁଷ୍କ ଉତ୍ତର ପଶ୍ଚିମ ପବନ, ସ୍ପଷ୍ଟ ଆକାଶ ଓ ତିବ୍ର ସୂର୍ଯ୍ୟ କିରଣ ଏହି ଗ୍ରୀଷ୍ମପ୍ରବାହ ର ପ୍ରମୁଖ କାରଣ ବୋଲି କୁହାଯାଉଛି।
ଅନ୍ୟପଟେ ଉତ୍ତର ପୂର୍ବ ଭାରତ ଓ ଦକ୍ଷିଣ ଭାରତର କିଛି ଅଞ୍ଚଳରେ ହାଲୁକା ରୁ ମଧ୍ୟମ ବର୍ଷା ହେବାର ସମ୍ଭାବନା ରହିଛି। କିନ୍ତୁ ଏହା ଗ୍ରୀଷ୍ମପ୍ରବାହ ର ସମସ୍ୟାକୁ ଅନେକାଂଶ ରେ କମାଇପାରିବ ନାହିଁ। ବିଶେଷକରି ଉତ୍ତର ପଶ୍ଚିମ ଓ ମଧ୍ୟ ଭାରତରେ ଶୁଷ୍କ ପରିସ୍ଥିତି ଜାରି ରହିବ।
ଏପରି ପରିସ୍ଥିତିରେ ସରକାର ଓ ପାଣିପାଗ ବିଭାଗ କିଛି ଗୁରୁତ୍ୱପୂର୍ଣ୍ଣ ପରାମର୍ଶ ଜାରି କରିଛନ୍ତି—
• ଦ୍ବିପ୍ରହରେ ୧୨ଟାରୁ ୩ଟା ପର୍ଯ୍ୟନ୍ତ ଆବଶ୍ୟକ ନଥିଲେ ବାହାରନ୍ତୁ ନାହିଁ
• ପର୍ଯ୍ୟାପ୍ତ ପାଣି ପିଉନ୍ତୁ ଓ ଶରୀରକୁ ହାଇଡ୍ରେଟ୍ ରଖନ୍ତୁ
• ହାଲୁକା ଏବଂ ଢିଲା ଓ ପତଳା ପୋଷାକ ପିନ୍ଧନ୍ତୁ
• ଶିଶୁ ଓ ବୃଦ୍ଧମାନଙ୍କୁ ବିଶେଷ ଯତ୍ନରେ ରଖନ୍ତୁ
• ଅତ୍ୟଧିକ ଶାରୀରିକ ପରିଶ୍ରମ କରିବାରୁ ବଚନ୍ତୁ
ଏହା ସହିତ ଯଦି କୌଣସି ବ୍ୟକ୍ତି ଅସ୍ୱସ୍ଥତା, ମୁଣ୍ଡ ବୁଲେଇବା କିମ୍ବା ଅତ୍ୟଧିକ ଥକା ଅନୁଭବ କରନ୍ତି ତେବେ ତୁରନ୍ତ ଡାକ୍ତର ଙ୍କ ପରାମର୍ଶ ନିଅନ୍ତୁ।
ଦେଶ ରେ ତିବ୍ର ଗ୍ରୀଷ୍ମ ପ୍ରବାହ ଆଗାମୀ ଦିନରେ ମଧ୍ୟ ଜାରି ରହିବାର ଆଶଙ୍କା ରହିଛି। ତେଣୁ ସମସ୍ତ ଙ୍କୁ ସତର୍କ ରହିବା ସହିତ ନିଜ ସ୍ୱାସ୍ଥ୍ୟର ଯତ୍ନ ନେବା ଅତ୍ୟାବଶ୍ୟକ।
Jagruti Live Media is one of the fastest-growing digital news channels in Odisha, widely recognized for its trusted and impactful journalism. With the tagline “Odisha Mati Ra Khabara”, the platform delivers authentic and timely news across politics, entertainment, sports, national and international affairs, exclusive interviews, viral stories, and breaking updates.
Dedicated to bringing the voice of the people to the forefront, Jagruti Live Media has set a new benchmark in digital journalism through credible reporting, fast news delivery, and audience-focused storytelling across multiple platforms.
