Last updated on June 1st, 2026 at 07:36 am
Water Crisis in odisha : ଗ୍ରୀଷ୍ମ ପ୍ରବାହରେ ଜଳ ପାଇଁ ହାହାକାର।କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ୍ ବାଇଲୋ ପଞ୍ଚାୟତର ବାରିଗାଁ ଦେହୁରୀସାହି ରେ ଉତ୍କଟ ପାନୀୟଜଳ ସଂକଟ ଦେଖିବାକୁ ମିଳିଛି। ତୀବ୍ର ଗ୍ରୀଷ୍ମପ୍ରବାହ ଚାଲିଥିବା ବେଳେ ସାହିର ଶତାଧିକ ପରିବାର ପିଇବା ପାଣି ପାଇଁ ଅନେକ ସମସ୍ୟା ର ସମ୍ମୁଖୀନ ହେଉଛନ୍ତି। ଗାଁରେ ପ୍ରାୟ ୧୦୦ ପରିବାର ଏବଂ ୪ଶହରୁ ଅଧିକ ଲୋକ ବସବାସ କରୁଥିବା ବେଳେ ସେମାନଙ୍କ ପାଇଁ ପାନୀୟଜଳ ଏକ ଗୁରୁତର ସମସ୍ୟା ହୋଇପଡ଼ିଛି।
ସ୍ଥାନୀୟ ମହିଳାମାନେ ଗାଁ ନିକଟସ୍ଥ କୁସେଇ ନଦୀରୁ ପାଣି ଆଣୁଥିବା ବେଳେ ଅନେକ ସମୟରେ ଚାଷଜମିରେ ଗାତ ଖୋଳି ସେଠାରୁ ପାଣି ସଂଗ୍ରହ କରିବାକୁ ବାଧ୍ୟ ହେଉଛନ୍ତି। ପାଣି ପାଇଁ ପ୍ରତିଦିନ ଲୋକଙ୍କୁ ଦୂର ରାସ୍ତା ଯିବାକୁ ପଡୁଥିବାରୁ ସାଧାରଣ ଜୀବନ ବ୍ୟାପକ ଭାବେ ପ୍ରଭାବିତ ହେଉଛି। ବିଶେଷ କରି ମହିଳା ଓ ଶିଶୁ ମାନଙ୍କୁ ଅଧିକ କଷ୍ଟ ସହିବାକୁ ପଡୁଛନ୍ତି।
Water Crisis in odisha : ଭଙ୍ଗା ନଳକୂପ ଓ ଅଚଳ ପାଣି ପାଇପ୍ଲାଇନ୍ ସାଜିଛି ସମସ୍ୟା ର ମୁଖ୍ୟ କାରଣ
Water Crisis in odisha : ଗ୍ରାମବାସୀ ଙ୍କ ଅଭିଯୋଗ ଅନୁସାରେ ସାହିରେ ଥିବା ନଳକୂପ ପ୍ରାୟ ଦୁଇ ବର୍ଷ ହେଲା କୌଣସି କାମ କରୁନାହିଁ। ନଳକୂପରୁ ପାଣି ବାହାରୁନଥିବାରୁ ଲୋକମାନେ ବିକଳ୍ପ ବ୍ୟବସ୍ଥା ଖୋଜିବାକୁ ବାଧ୍ୟ ହେଉଛନ୍ତି। ସରକାରଙ୍କ ପକ୍ଷରୁ ପାଇପ୍ ଯୋଗେ ଜଳ ଯୋଗାଣ ପାଇଁ ଷ୍ଟାଣ୍ଡପୋଷ୍ଟ ଏବଂ ଟ୍ୟାପ୍ ଲଗାଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ସେଥିରେ ପାଣି ଆସୁନାହିଁ।
ସ୍ନାନ ଓ ଶୌଚ କାମ ପାଇଁ ଲୋକମାନେ ଦୂରରେ ଥିବା କୁସେଇ ନଦୀ ଉପରେ ନିର୍ଭର କରୁଛନ୍ତି। ପାନୀୟଜଳ ସମସ୍ୟା ସମ୍ପର୍କରେ ସ୍ଥାନୀୟ ଲୋକେ ବାରମ୍ବାର ପଞ୍ଚାୟତ ଏବଂ ବ୍ଲକ୍ ପ୍ରଶାସନଙ୍କୁ ଅଭିଯୋଗ କରିଥିଲେ ମଧ୍ୟ କୌଣସି ସ୍ଥାୟୀ ସମାଧାନ ହୋଇନାହିଁ। ବିଭାଗୀୟ କର୍ତ୍ତୃପକ୍ଷଙ୍କ ଅବହେଳାକୁ ନେଇ ସାହିବାସୀ ଅସନ୍ତୋଷ ପ୍ରକାଶ କରିଛନ୍ତି।
Water Crisis in odisha : ଦୂଷିତ ପାଣି ବ୍ୟବହାର ଦ୍ୱାରା ନାନାଦି ରୋଗ ଭୟ ଲାଗି ରହିଛି , କଣ ରହିଛି ପ୍ରଶାସନିକ ପ୍ରତିଶ୍ରୁତି
Water Crisis in odisha : ଚାଷଜମି ଓ ନଦୀର ଦୂଷିତ ପାଣି ବ୍ୟବହାର କରୁଥିବାରୁ ସ୍ଥାନୀୟ ଲୋକେ ବିଭିନ୍ନ ପ୍ରକାର ରୋଗରେ ଆକ୍ରାନ୍ତ ହେଉଥିବା ଅଭିଯୋଗ ମଧ୍ୟ ଆସିଛି। ଗ୍ରୀଷ୍ମ ଦିନରେ ଦୂଷିତ ପାଣି ବ୍ୟବହାର କଲେ ଡାଇରିଆ, ଜ୍ୱର ଓ ଚର୍ମ ରୋଗ ଭଳି ଅନେକ ସମସ୍ୟା ବଢ଼ିବାର ଆଶଙ୍କା ରହିଛି। ରାଜ୍ୟ ସରକାର ପାନୀୟ ଜଳ ସମସ୍ୟା ଦୂର କରିବା ପାଇଁ ଅନେକ ବ୍ୟବସ୍ଥା କରୁଛନ୍ତି। ଗାଁ ଗାଁ ରେ ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ପାଣି ଟାଙ୍କି ଠାରୁ ଆରମ୍ଭ କରି ପାଇପ ଲାଇନ୍ ଯୋଗେ ପାନୀୟ ଜଳ ଯୋଗାଣ ର ସୁବନ୍ଦୋବସ୍ତ କରିବା ସତ୍ୱେ ମଧ୍ୟ ଏହି ବାରିଗାଁ ଦେହୁରୀ ସାଇ ବାସିନ୍ଦା ଏ ସମସ୍ତ ବ୍ୟବସ୍ଥା ରୁ ବଞ୍ଚିତ ରହିବା ନେଇ ଗ୍ରାମବାସୀଙ୍କ ମଧ୍ୟରେ ଭୟ ଓ ଅସନ୍ତୋଷ ଦେଖାଦେଇଛି।
ଏସମ୍ପର୍କରେ ଆନନ୍ଦପୁର ଉପଜିଲ୍ଲାପାଳ ନୀଳମାଧବ ସୁନାଙ୍କୁ ଅବଗତ କରାଯାଇଥିବା ବେଳେ ସେ ତୁରନ୍ତ ଗାଁରେ ପାନୀୟଜଳ ବ୍ୟବସ୍ଥା କରାଯିବ ବୋଲି ପ୍ରତିଶ୍ରୁତି ଦେଇଥିବା ଜଣାପଡ଼ିଛି। ତେବେ କେବେ ଗ୍ରାମବାସୀଙ୍କ ସମସ୍ୟାର ସ୍ଥାୟୀ ସମାଧାନ ହେବ ତାହାକୁ ନେଇ ସମସ୍ତଙ୍କ ନଜର ରହିଛି।
ବାରିଗାଁ ଦେହୁରୀସାହିର ପାନୀୟ ଜଳ ସମସ୍ୟା
| ବିଷୟ | ସ୍ଥିତି |
|---|---|
| ଗ୍ରାମ | ବାରିଗାଁ ଦେହୁରୀସାହି |
| ପଞ୍ଚାୟତ | ବାଇଲୋ ପଞ୍ଚାୟତ |
| ବ୍ଲକ୍ | ଆନନ୍ଦପୁର |
| ଜିଲ୍ଲା | କେନ୍ଦୁଝର |
| ପରିବାର ସଂଖ୍ୟା | ପ୍ରାୟ ୧୦୦ |
| ଜନସଂଖ୍ୟା | ୪୦୦ରୁ ଅଧିକ |
| ପ୍ରମୁଖ ସମସ୍ୟା | ଉତ୍କଟ ପାନୀୟ ଜଳ ସଂକଟ |
| ନଳକୂପର ସ୍ଥିତି | ୨ ବର୍ଷ ହେଲା ଅଚଳ |
| ପାଣିର ଉତ୍ସ | କୁସେଇ ନଦୀ ଓ ଚାଷଜମିର ଗାତ |
| ପ୍ରଭାବିତ ବର୍ଗ | ମହିଳା, ଶିଶୁ ଓ ବୃଦ୍ଧ |
| ସ୍ୱାସ୍ଥ୍ୟ ଝୁମ୍ପ | ଡାଇରିଆ, ଜ୍ୱର, ଚର୍ମରୋଗ |
| ସରକାରୀ ବ୍ୟବସ୍ଥା | ଷ୍ଟାଣ୍ଡପୋଷ୍ଟ ଓ ଟ୍ୟାପ୍ ଲାଗିଛି, କିନ୍ତୁ ପାଣି ଆସୁନାହିଁ |
| ଗ୍ରାମବାସୀଙ୍କ ଦାବି | ତୁରନ୍ତ ବିଶୁଦ୍ଧ ପାନୀୟ ଜଳ ଯୋଗାଣ |
ସାଧାରଣ ପ୍ରଶ୍ନୋତ୍ତର :
1. ବାରିଗାଁ ଦେହୁରୀସାହିରେ ପାନୀୟ ଜଳ ସମସ୍ୟା କାହିଁକି ଦେଖାଦେଇଛି?
ଗାଁର ନଳକୂପ ଦୀର୍ଘ ଦୁଇ ବର୍ଷ ଧରି ଅଚଳ ଥିବା ସହ ପାଇପ୍ ଜଳ ଯୋଗାଣ ବ୍ୟବସ୍ଥା କାର୍ଯ୍ୟକ୍ଷମ ନଥିବାରୁ ଏହି ସମସ୍ୟା ଦେଖାଦେଇଛି।
2. ଗ୍ରାମବାସୀମାନେ କେଉଁଠାରୁ ପାଣି ସଂଗ୍ରହ କରୁଛନ୍ତି?
ସେମାନେ କୁସେଇ ନଦୀ ଏବଂ ଚାଷଜମିରେ ଖୋଳାଯାଇଥିବା ଗାତରୁ ପାଣି ସଂଗ୍ରହ କରୁଛନ୍ତି।
3. ଏହି ସମସ୍ୟାରେ କେତେ ଲୋକ ପ୍ରଭାବିତ ହେଉଛନ୍ତି?
ପ୍ରାୟ ୧୦୦ ପରିବାର ଏବଂ ୪୦୦ରୁ ଅଧିକ ଲୋକ ଏହି ସମସ୍ୟାରେ ପ୍ରଭାବିତ ହେଉଛନ୍ତି।
4. ଦୂଷିତ ପାଣି ବ୍ୟବହାର କଲେ କେଉଁ ରୋଗ ହୋଇପାରେ?
ଡାଇରିଆ, ଜ୍ୱର, ଚର୍ମରୋଗ ଏବଂ ଅନ୍ୟାନ୍ୟ ଜଳବାହିତ ରୋଗ ହେବାର ଆଶଙ୍କା ରହିଛି।
5. ଗ୍ରାମବାସୀଙ୍କ ମୁଖ୍ୟ ଦାବି କଣ?
ଗାଁରେ ତୁରନ୍ତ ବିଶୁଦ୍ଧ ପାନୀୟ ଜଳ ଯୋଗାଣ ଏବଂ ଅଚଳ ନଳକୂପର ମରାମତି କରାଯାଉ ବୋଲି ଗ୍ରାମବାସୀମାନେ ଦାବି କରୁଛନ୍ତି।
କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ୍ ଅଧୀନ ବାଇଲୋ ପଞ୍ଚାୟତର ବାରିଗାଁ ଦେହୁରୀସାହିରେ ଦେଖାଦେଇଥିବା ପାନୀୟ ଜଳ ସଂକଟ ଆଜି ଗ୍ରାମବାସୀଙ୍କ ପାଇଁ ଏକ ଗୁରୁତର ସାମାଜିକ ଓ ସ୍ୱାସ୍ଥ୍ୟଗତ ସମସ୍ୟାର ରୂପ ନେଇଛି। ଗ୍ରୀଷ୍ମ ପ୍ରବାହର ତୀବ୍ରତା ବଢ଼ୁଥିବା ବେଳେ ବିଶୁଦ୍ଧ ପାନୀୟ ଜଳର ଅଭାବ ଲୋକଙ୍କ ଦୈନନ୍ଦିନ ଜୀବନକୁ ବ୍ୟାପକ ଭାବରେ ପ୍ରଭାବିତ କରୁଛି। ମହିଳା, ଶିଶୁ ଓ ବୃଦ୍ଧମାନେ ପ୍ରତିଦିନ ଦୂରଦୂରାନ୍ତରୁ ପାଣି ଆଣିବାକୁ ବାଧ୍ୟ ହେଉଥିବାରୁ ସେମାନଙ୍କ ଶାରୀରିକ ଓ ମାନସିକ କଷ୍ଟ ବଢ଼ିଚାଲିଛି।
ଗ୍ରାମରେ ଥିବା ନଳକୂପ ଦୀର୍ଘ ଦିନ ଧରି ଅଚଳ ରହିବା ଏବଂ ପାଇପ୍ ଜଳ ଯୋଗାଣ ବ୍ୟବସ୍ଥା କାର୍ଯ୍ୟକ୍ଷମ ନ ହେବା ସ୍ଥାନୀୟ ପ୍ରଶାସନର ଅବହେଳାକୁ ପ୍ରତିଫଳିତ କରୁଛି। ସରକାର ଗ୍ରାମାଞ୍ଚଳରେ ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ବିଭିନ୍ନ ଯୋଜନା କାର୍ଯ୍ୟକାରୀ କରୁଥିବା ବେଳେ ମଧ୍ୟ ଏହି ଗାଁର ଲୋକମାନେ ସେହି ସୁବିଧାରୁ ବଞ୍ଚିତ ରହିବା ଚିନ୍ତାଜନକ ବିଷୟ।
ଦୂଷିତ ନଦୀ ଓ ଚାଷଜମିର ପାଣି ବ୍ୟବହାର କରିବା ଫଳରେ ଜଳବାହିତ ରୋଗ ବ୍ୟାପିବାର ଆଶଙ୍କା ମଧ୍ୟ ବଢ଼ିଯାଇଛି। ଏହା କେବଳ ପାଣି ସମସ୍ୟା ନୁହେଁ, ବରଂ ଜନସ୍ୱାସ୍ଥ୍ୟ ଓ ଜୀବନମାନ ସହ ଜଡ଼ିତ ଏକ ଗମ୍ଭୀର ପ୍ରସଙ୍ଗ। ତେଣୁ ପ୍ରଶାସନ ତୁରନ୍ତ ହସ୍ତକ୍ଷେପ କରି ଅଚଳ ନଳକୂପକୁ ମରାମତି କରିବା, ପାଇପ୍ ଜଳ ଯୋଗାଣକୁ ସକ୍ରିୟ କରିବା ଏବଂ ଅସ୍ଥାୟୀ ଭାବରେ ଟ୍ୟାଙ୍କର ମାଧ୍ୟମରେ ପାଣି ଯୋଗାଇବା ଆବଶ୍ୟକ। ଗ୍ରାମବାସୀଙ୍କ ଦୀର୍ଘଦିନର ସମସ୍ୟାର ସ୍ଥାୟୀ ସମାଧାନ ହେଲେ ମାତ୍ର ସେମାନଙ୍କ ଜୀବନଧାରା ସ୍ୱାଭାବିକ ହୋଇପାରିବ ଏବଂ ସରକାରଙ୍କ “ପ୍ରତ୍ୟେକ ଘରକୁ ବିଶୁଦ୍ଧ ପାଣି” ଲକ୍ଷ୍ୟ ସଫଳ ହେବ।
Jagruti Live Media is one of the fastest-growing digital news channels in Odisha, widely recognized for its trusted and impactful journalism. With the tagline “Odisha Mati Ra Khabara”, the platform delivers authentic and timely news across politics, entertainment, sports, national and international affairs, exclusive interviews, viral stories, and breaking updates.
Dedicated to bringing the voice of the people to the forefront, Jagruti Live Media has set a new benchmark in digital journalism through credible reporting, fast news delivery, and audience-focused storytelling across multiple platforms.
