Odisha Congress : ଓଡ଼ିଶାର ରାଜନୀତି ରେ ଏକ ନୂଆ ତୀବ୍ରତା ଦେଖିବାକୁ ମିଳିଛି। ଯେତେବେଳେ ଓଡ଼ିଶା ପ୍ରଦେଶ ର କଂଗ୍ରେସ ସଭାପତି ଭକ୍ତ ଚରଣ ଦାସ ଏକ ସାମ୍ବାଦିକ ସମ୍ମିଳନୀ ଜରିଆ ରେ କେନ୍ଦ୍ର ସରକାରଙ୍କ ବିଭିନ୍ନ ନୀତି ଓ ବିଲ୍କୁ କଡ଼ା ଭାଷା ରେ ସମାଲୋଚନା କରିଛନ୍ତି। ସେ ବିଶେଷ କରି ସୀମା ନିର୍ଦ୍ଧାରଣ ବିଲ୍ ଏବଂ ମହିଳା ସଂରକ୍ଷଣ ବିଲ୍କୁ ନେଇ ନିଜ ଅସନ୍ତୋଷ ବ୍ୟକ୍ତ କରିଥିଲେ। ତାଙ୍କ କହିବା ଅନୁଯାୟୀ ଏହି ବିଲ୍ଗୁଡ଼ିକ ରାଜନୈତିକ ଲାଭ ଦୃଷ୍ଟିରୁ ଆଣାଯାଉଛି। ଏହି ବିଲ୍ ଦ୍ୱାରା ସାଧରଣ ଜନତା ଙ୍କ ର କୌଣସି ଲାଭ ହେବ ନାହିଁ। ଆହୁରି ମଧ୍ୟ କହିଛନ୍ତି ଯେ ଏହି ସମୟରେ ଏମିତି ସମ୍ବେଦନଶୀଳ ବିଷୟକୁ ଆଗକୁ ଆଣିବା ଦ୍ୱାରା ଜନସାଧାରଣ ଙ୍କ ଧ୍ୟାନକୁ ମୂଳ ସମସ୍ୟା ଠାରୁ ଦୁରେଇ ନେବାକୁ ଚେଷ୍ଟା କରାଯାଉଛି। ଭକ୍ତ ଦାସ ଏହାକୁ ଲୋକତନ୍ତ୍ର ପାଇଁ ହାନିକାରକ ବୋଲି କହିଥିଲେ। ଏହା ଦେଶର ରାଜନୈତିକ ସନ୍ତୁଳନକୁ ଅସ୍ଥିର କରିପାରେ ବୋଲି ସତର୍କ କରିଥିଲେ।
Odisha congress : ବିଜେପି ଉପରେ ବର୍ଷିଲେ ଆଉ ତୀବ୍ର ସମାଲୋଚନା କଲେ ଭକ୍ତ ଦାସ
ଓଡିଶା କଂଗ୍ରେସ ପିସିସି ସଭାପତି ଶ୍ରୀଯୁକ୍ତ ଭକ୍ତ ଚରଣ ଦାସ ଏକ ସାମ୍ବାଦିକ ସମ୍ମିଳନୀ ଜରିଆରେ ବିଜେପି ଉପରେ ଖୋଲାଖୋଲି ଆକ୍ରମଣ କରି କହିଥିଲେ ଯେ କେନ୍ଦ୍ର ସରକାର ମହିଳା ସଂରକ୍ଷଣ ବିଲ୍କୁ ପାସ୍ କରିବା ନାମରେ ରାଜନୈତିକ ଲାଭ ନେବାକୁ ଚେଷ୍ଟା କରୁଛି। ସେ କହିଥିଲେ ଯେ, ଯଦି ସରକାର ସତରେ ମହିଳାଙ୍କ ଉନ୍ନତି ପାଇଁ କାମ କରୁଥାନ୍ତେ ତେବେ ଏହି ବିଲ୍ କୁ ଆଗରୁ କାର୍ଯ୍ୟକରୀ କରିଥାନ୍ତେ ।ସେ ଏହା ମଧ୍ୟ କହିଥିଲେ ଯେ, ରାଜ୍ୟ ନିର୍ବାଚନ ପୂର୍ବରୁ ଏମିତି ବିଲ୍କୁ ଆଣିବା ଦ୍ୱାରା ମତଦାତାଙ୍କୁ ପ୍ରଭାବିତ କରିବାର ଚେଷ୍ଟା ହେଉଛି। ଭକ୍ତ ଦାସଙ୍କ ଅନୁସାରେ ବିଜେପି ଏହି ବିଷୟକୁ ନିଜ ରାଜନୈତିକ ଆଜେଣ୍ଡା ଭାବେ ବ୍ୟବହାର କରୁଛି। ଏହା ଦେଶର ଲୋକତନ୍ତ୍ରକୁ ଦୁର୍ବଳ କରୁଛି। ସେ ଆହୁରି କହିଥିଲେ ଯେ ମହିଳା ସଂରକ୍ଷଣ ବିଲ୍ କେବଳ ଏକ ଆଇନ ନୁହେଁ ବରଂ ଏହା ଦେଶର ମହିଳାମାନଙ୍କ ସମ୍ମାନ ଓ ସମାନ ଅଧିକାର ସହିତ ଜଡିତ। ତେଣୁ ଏହାକୁ ରାଜନୀତିକରଣ କରିବା ଉଚିତ୍ ନୁହେଁ।
ରାଜ୍ୟ ଓ ମହିଳା ସଂରକ୍ଷଣ ଦିଗରେ କଂଗ୍ରେସ ର କଣ ରହିବ ଚ୍ୟାଲେଞ୍ଜ
Odisha congress : ଭକ୍ତ ଦାସ ଏହି ପ୍ରେସ୍ ମିଟ୍ ରେ କଂଗ୍ରେସର ପୂର୍ବ ଅବଦାନକୁ ମଧ୍ୟ ପ୍ରକାଶ କରିଥିଲେ। ସେ କହିଥିଲେ ଯେ, କଂଗ୍ରେସ ସରକାର ହିଁ ପ୍ରଥମେ ସ୍ଥାନୀୟ ସଂସ୍ଥାଗୁଡ଼ିକରେ ମହିଳାଙ୍କ ପାଇଁ ୩୩% ସଂରକ୍ଷଣ ପ୍ରସ୍ତାବ ଆଣିଥିଲା। ଯାହା ଆଜି ଗ୍ରାମୀଣ ଏବଂ ସହର କ୍ଷେତ୍ର ରେ ମହିଳାମାନଙ୍କୁ ସଶକ୍ତ କରିଛି।ସେ କହିଥିଲେ ଯେ, ଆଜି ଓଡ଼ିଶାର ପଞ୍ଚାୟତ ଓ ନଗର ନିଗମ ରେ ଅନେକ ମହିଳା ନେତୃତ୍ୱ ନେଉଛନ୍ତି। ଯାହା କେବଳ କଂଗ୍ରେସ ର ପୂର୍ବ ନୀତି ର ସଫଳତାର ପ୍ରମାଣ। କିନ୍ତୁ ସେ ଅଭିଯୋଗ କରିଥିଲେ ଯେ ବର୍ତ୍ତମାନ ର ବିଜେପି ସରକାର ମହିଳାଙ୍କ ସୁରକ୍ଷା ଓ ସମାନ ଅଧିକାର ପ୍ରଦାନରେ ବିଫଳ ହୋଇଛି।ସାମ୍ବାଦିକ ସମ୍ମିଳନୀରେ ସେ ରାଜ୍ୟର ବିଭିନ୍ନ ସମସ୍ୟା ଉପରେ ମଧ୍ୟ ଧ୍ୟାନ ଆକର୍ଷଣ କରିଥିଲେ। ବିଶେଷ କରି ମହିଳା ନିର୍ଯାତନା, ବେରୋଜଗାରୀ ଓ ଦାମ ବୃଦ୍ଧି ଭଳି ମୁଖ୍ୟ ବିଷୟଗୁଡ଼ିକୁ ପ୍ରେସ୍ ମିଟ୍ ଜରିଆରେ ଉଠାଇଥିଲେ ଭକ୍ତ ଦାସ। ସେ କହିଥିଲେ ଯେ ଏହି ସମସ୍ୟା ଗୁଡ଼ିକୁ ଅଣଦେଖା କରି କେବଳ ରାଜନୈତିକ ଲାଭ ଉଦେଶ୍ୟ ରେ ବିଲ୍ ଆଣିବା ଠିକ୍ ନୁହେଁ।
ଶେଷରେ ଭକ୍ତ ଦାସ କହିଥିଲେ ଯେ କଂଗ୍ରେସ ସବୁବେଳେ ଲୋକଙ୍କ ଅଧିକାର ପାଇଁ ଲଢ଼ିବ ଓ ମହିଳାମାନଙ୍କ ସମ୍ମାନ ଓ ସୁରକ୍ଷା ପାଇଁ ନିଜର ସ୍ୱର ଉଠାଇବ। ସେ ଆହ୍ୱାନ ଦେଇ କହିଥିଲେ ଲୋକମାନେ ସଚେତନ ହୁଅନ୍ତୁ ଏବଂ ଏମିତି ରାଜନୈତିକ ଉଦେଶ୍ୟ କୁ ଠିକ୍ ଭାବେ ବୁଝି ସଠିକ୍ ନିଷ୍ପତ୍ତି ନିଅନ୍ତୁ।ଏହି ସାମ୍ବାଦିକ ସମ୍ମିଳନୀ ଓଡ଼ିଶା ର ରାଜନୀତି ରେ ଏକ ନୂଆ ଚର୍ଚ୍ଚାକୁ ଜନ୍ମ ଦେଇଛି ଓ ଆସନ୍ତା ଦିନରେ ଏହାର ପ୍ରଭାବ ରାଜ୍ୟର ରାଜନୈତିକ ପରିବେଶ ଉପରେ ପ୍ରଭାବ ପକାଇବା ସ୍ପଷ୍ଟ ହେଇଛି।
Jagruti Live Media is one of the fastest-growing digital news channels in Odisha, widely recognized for its trusted and impactful journalism. With the tagline “Odisha Mati Ra Khabara”, the platform delivers authentic and timely news across politics, entertainment, sports, national and international affairs, exclusive interviews, viral stories, and breaking updates.
Dedicated to bringing the voice of the people to the forefront, Jagruti Live Media has set a new benchmark in digital journalism through credible reporting, fast news delivery, and audience-focused storytelling across multiple platforms.
